ما خفي كان اعظم

امبارح الصبح وانا مروح شفت راجل و ست في الثلاثينيات علي أول المحور واقفين عند الحواجز الاسمنتية اللي في النص بيحاولوا يلموا كمية كبيرة من المستندات طارت منهم.

مبدئيا أنا لحد اخر المحور كنت شايف ورق طاير علي الجناب (مسافة 12 كم تقريبا) ف اي حد عاقل هيعرف انه استحالة يلموا الورق ده زائد انهم واقفين في نص المحور يعني ممكن يتشالوا من العربيات اللي ماشية بسرعة 90 كم/ساعة علي اقل تقدير في أي لحظة. ايه اللي يخلي واحد مستعد يضحي بعمره علشان شوية ورق؟؟ ايه مدي أهمية الورق ده؟؟

ال30 سنة الماضية هما السبب المواطن المصري بقي مجرد شهادة ميلاد, بطاقة ثم شهادة وفاه و بيطلع عينه علشان يستخرج اي واحدة منهم و الحكومة مبتعترفش غير بالورق حتي لو كان متناقض و مليان غلطات و المواطن دائما متهم حتي يثبت العكس.

في جبال في المحيطات بتبقي مغطاه بالمياه بالكامل و مش باين منها غير جزيرة صغيرة هي قمة الجبل.