الكرة في عيون الاخرين
April 20, 2011 at 20:57 Leave a comment
جاري في الشقة اللي قدامي أهلاوي متعصب جدا في خلال ماتشات الأهلي أو الزمالك بيطلع طبقتين من الصوت:
جون جون جووووووووووون مع فرحة عارمة و غالبا قفز من علي الكنبة في حالة الأهلي جاب جون أو الزمالك دخل فيه جون.
جون واحدة بس مع حسرة شديدة في حالة الزمالك جاب جون أو الأهلي دخل فيه جون, في ماتشات الأهلي و الزمالك الطبقات بتكتر شوية مع الاحتفاظ بالأبعاد الأساسية المذكورة مسبقا.
انا بطلت أتابع الكورة من زمان و مبقاش يفرق معايا مين يكسب و مين يخسر خصوصا بعد الموقف المشين لكل لعيبة الكورة في الثروة اللي ظهروا فيه في حجمهم الحقيقي (ما عدا نادر السيد الوحيد اللي شفته في الميدان وفيه أقاويل عن أبو تريكة).
النهاردة و انا قاعد سمعت جون الفرحة و وراها كلام فية “الدوري الدوري” فتحت القناه الثانية لقيت ماتش الزمالك وبتروجيت في الدقيقة 90 و بتروجيت جاب جون, شوية سمعت جون الحسرة لقيت الزمالك اتعادل و خلال الاعادة بتاعت جون التعادل الزمالك جان الجون الثاني, عشنا و شفنا الزمالك بيكسب ماتش في اخر 5 دقائق, بعد الجون التاني سمعت باب الشقة بيترزع.
مبروك للزملكوية مش للزمالك.
Entry filed under: Personal Thoughts, Sara7t fil malakot. Tags: ahly, ahly fans, zamalek, zamalek fans.
Trackback this post | Subscribe to the comments via RSS Feed