من ما حدث في البر السوري

النهاردة قابلت واحد سوري عايش في مصر من 8 سنين, عامل معرض مصور هو و اصحابه في ساقية الصاوي عن الثورة السورية و حقيقة بشار الاسد ونظامه, كنا بنتكلم عن الاعلام السوري فا بقوله انه زي اللي كان بيحصل عندنا (و لازال) قاللي ان عندهم ابشع بكتير مثلا:

1. في فيديو تناقلته وكالات الانباء لعساكر سوريين كلاب فارشين المتظاهرين علي الارض و بيمشوا فوقيهم الاعلام السوري قال ان المشهد ده لجنود امريكيين في العراق و ملوش دعوه بسوريا.
2. الشهيد حمزة الخطيب اللي الامن السوري عذبه و قتله و مثل بجثته دا طفل عنده 13 سنة الاعلام السوري قال دا كان رايح يغتصب واحده.
3. اكبر مدينتين سوريتين دمشق و حلب مفيش مظاهرات بتطلع فيهم لان الامن مسيطر تماما هناك الناس بعد ما بتخلص صلاة الجمعة بتلاقي العساكر مستنياهم بالرشاشات و السيوف, في منطقة اسمها الميدان في دمشق قدروا يعملوا مظاهرة باعداد كبيرة, الاعلام مقدرش ينكر ده راح قايل ان الامطار ( ايوه الامطار) بقالها سنين ما نزلتش و ربنا كرم ونزلت فالناس دي كانت خارجه تحتفل بسقوط الامطار.

في قانون في سوريا بينص علي ان حزب البعث بتاع بشار و ابوه هو الوحيد اللي يمسك السلطة, بشار الاسد بعت طيران حربي لاحدي المدن الثائرة ده غير الدبابات و المدرعات و الجنود و مفكرش يرمي طوبة علي الجولان المحتلة.

Advertisement