رمضانيات

عدد المصلين في التراويح بيقل النصف بعد اول اسبوعين في رمضان ثم يصل الذروة ليلة 27 ثم يتلاشي الي اخر الشهر

عدد المصلين في التهجد بيزيد ليلة 25 ثم يصل الذروة ليلة 27 لدرجة انك لو رحت المسجد بعد الاقامة غالبا مش هتلاقي مكان و لاخر رمضان بالكتير صفين او ثلاثة خلف الامام

صلاة الفجر في الركعة الثانية الامام بيدعي قبل السجود, اول اما الامام يقول “اللهم” تلاقي ناس نازلة علي السجود بس بيلاقي اللي حواليه واقفين فبيلحق نفسه

في الدعاء الناس بتقول ااااامين و لكن فيه دعاء “سبحانك انك تقضي بالحق ولا يقضي عليك” ناس بتقول حقا و ناس تقول سبحان الله في سرها, دائما تلاقي واحد بيقول “أاااااااااااااا” و يكملها بحقا

قبل الفجر بدقائق تلاقي واحد ماسك زجاجة المياه و عمال يقربع مع انه مش عطشان اصلا و غالبا بعد ساعة او اتنين المياه دي كلها هتروح