احمد عبد الرءوف
December 2, 2011 at 19:18 Leave a comment
الارقام و الاسماء بتفضل دايما حبر علي ورق طالما مفيش ارتباط شخصي بالموضوع, لما بتسمع عن وفاة 5 في حادثة او تقرأ نعي في الجورنال لو انت متعرفش الشخص ده غالبا بيفضل مجرد اسم هتنساه بعد ثواني.
النهاردة كنت في مسيرة الشهداء من مصطفي محمود واحد من اللي شايلين النعوش الرمزية تعب و طلب مني اشيل معاه بعد ما شيلت بصيت علي الصندوق كان مكتوب احمد عبد الرءوف حسيت باحساس غريب احساس مختلف عن لو كنت قريت اسمه في الجورنال بقي فيه ارتباط, احمد ضحي بنفسه علشاني و هو ميعرفنيش و انا أقل حاجه قدرت اعملهاله اني اشيل نعش رمزي ليه.
احمد عبد الرءوف عدي مرحلة الاسامي بالنسبة لي احتسبه هو و كل ابطال الثورة عند الله شهداء و هنكمل المشوار باذن الله
——————————————
تحديث: اسمه احمد عبد الرءوف مش عمرو
Entry filed under: Eih Ya Belad Ya Ghareiba, Personal Thoughts. Tags: freedom, jan25, martyrs, nov18, revolution.
Trackback this post | Subscribe to the comments via RSS Feed